Avro-2024-də çıxış edən bütün millilərə iştirak üçün 9.25 milyon avro ödənilib.

Axar.az Oxu.az-a istinadla xəbər verir ki, futbol üzrə Avropa Çempionatında (Avro-2024) iştirak edən komandalara paylanacaq ümumi pul mükafatının (331 milyon avro) 28 milyon 250 min avrosunu çempion İspaniya qazanıb.

Turnirdə komandalara 9 milyon 250 min avro iştirak haqqı ödənilib və qrupdakı hər qələbəyə görə 1 milyon avro verilib.

Qrupdan çıxan 16-lığa düşən komandalar əlavə 1.5 milyon avro, 1/4 finala yüksələnlər əlavə 2.5 milyon avro mükafata layiq görülüblər. Yarımfinal iştirakçıları isə əlavə 4 milyon avro mükafat əldə ediblər. Avro-2024 çempionuna 8 milyon avro əlavə ödəniş edilib.

Beləliklə, çempion İspaniya ümumilikdə 28 milyon 250 min avro mükafat qazanıb.

Türkiyə seçməsi isə 1/4 finalda Niderlanda məğlub olsa da, 15 milyon 250 min avro mükafat alıb.

Qeyd edək ki, ikinci yerin sahibi İngiltərə millisi 24 milyon 250 min avro qazanıb.