Azərbaycan Premyer Liqasının ən bahalı və 23 yaşadək ən istedadlı futbolçuları müəyyənləşib.

Axar.az Teleqraf-a istinadən xəbər verir ki, Beynəlxalq İdman Araşdırmalar Mərkəzinin (CIES) açıqladığı siyahıya "Qarabağ"ın hücumçusu Nəriman Axundzadə başçılıq edir. 21 yaşlı forvarda 4,2 - 5,2 milyon avro qiymət qoyulub.

Son zamanlar uğurlu çıxışı ilə xarici klubların transfer siyahısına düşən "Zirə"nin qolçusu Salifu Suma ikinci yerdə gedir. 21 yaşlı oyunçu 1,6-1,9 milyon avro dəyərindədir.

Sonrakı iki pillədə isə "Neftçi"nin qapıçısı Rza Cəfərovla "Sabah"ın qolkiperi Yusif İmanov yer alıb. Cəfərov 1 milyon avrodan baha (1,2-1,5 milyon avro), İmanov isə 0,80-0,94 milyon avro qiymətədir.

Ən istedadlı futbolçulara gəldikdə, “Turan Tovuz”un yarımmüdafiəçi Fərid Yusifli dünyada 85-cidir. Onun reytinqi 64,3-ə bərabərdir. “Neftçi”nin orta xətt oyunçusu Emil Səfərov isə 64,1 reytinqlə 89-cu pillədə qərarlaşıb: