"Azəri Drillinq Kompani" MMC işçilər arasında kütləvi şəkildə ixtisarlar aparır.

Axar.az xəbər verir ki, bu barədə Neftçilərin Hüquqlarının Müdafiə Komitəsinin sədri Mirvari Qəhrəmanlı öz Feysbuk hesabında məlumat paylaşıb.

M.Qəhrəmanlı qeyd edir ki, ixtisarlarla bağlı onlara bir qrup işçi müraciət edib. QHT sədri yazır:

"Azərbaycan Qazma Şirkətinin (Azəri Drillinq Kompani MMC) bir qrup işçisi təşkilatımıza müraciət etmişdir. Onlar qeyd edirlər ki, ilin əvvəlində şirkət onlarla bir illik müqvilə bağlayıb. Sonradan müqavilə ləğv edilərək 3 aylıqla əvəz olunub. Müqavilə müddəti 3 dəfə uzadıldıqdan sonra işçilərlə yeni müqavilə bağlanmayıb. Müraciət edən işçilərin dediyinə görə, bu yolla işdən azad olunan işçilərin sayı 45 nəfərdir".