Rus rublunun çöküşü daha 10 ölkədə ciddi şəkildə hiss olunacaq.

Axar.az xəbər verir ki, bu iddia ilə nüfuzlu "Qardian" (The Guardian) nəşri məqalə yayıb. Dünya Bankına istinad edilən məqalədə rubldan təsirlənən ölkələrin ən azı 10 milyardlarla dollar itirəcəyi vurğulanır. Nəşr bunun keçmiş sovet ölkələrindən Rusiyada çalışan və hazırkı vəziyyətə görə bu ölkəni tərk etməyə hazırlaşan miqrantlar səbəbindən yaşanacağını qeyd edib:

"Rublun çöküşü və keçmiş sovet respublikalarında hiss olunacaq iqtisadi gərginlik siyasi böhrana da səbəb ola bilər".

"Qardian" Dünya Bankının Rusiya rublunun keçmiş sovet respublikalarında təsirini əks etdirən statistikanı da yayımlayıb. Bu statistikaya əsasən, pul köçürmələrinə görə Tacikistanın 42, Qırğızıstanın 31.5, Moldovanın 25, Ermənistanın 21, Gürcüstanın və Özbəkistanın 12, Ukraynanın 5.5, Litvanın 4.5, Azərbaycanın isə 2.5 faiz iqtisadiyyatı Rusiyaya bağlıdır.