Axar.az
Yuxarı

Rəsmi Bakı sərt iqtisadi qərarlara start verdi

Ana səhifə İqtisadiyyat
12 Punto 14 Punto 16 Punto 18 Punto

"Azərbaycanda daxili bazarın qorunmasına start verilib".

Axar.az xəbər verir ki, bunu iqtisadçı ekspert Samir Əliyev öz Feysbuk profilində qeyd edib.

O, dekabr ayında Mərkəzi Bankın öz ehtiyatlarının 8%-ni itirdiyini qeyd edib:

"Hökumətin qarşısında qeyri-neft sektorunu inkişaf etdirmək kimi bir vəzifə durur. Səbəb də aydındır. Artıq neft gəlirləri əvvəlki səviyyədə deyil. Qeyri-neft sektorunu inkişaf etdirmək üçün ya ixrac stimullaşdırılmalı, ya da daxili bazar qorunmalıdır. Manatın devalvasiyasının indiki dövrdə təhlükəli olması stimullaşdırma ideyasını hələ ki, arxa plana keçirir. Hələ kiçik gərginliyə görə təkcə dekabr ayında Mərkəzi Bankın ehtiyatlarının 8 faizini itirməsi vəziyyətin daha da kritik olmasından xəbər verir. Hökumətin devalvasiya riskinə getməsi inandırıcı görünmür, halbuki bütün şərtlər bunu diktə edir. Deməli, daxili bazarı qorumaqla yerli istehsalın rəqabət qabiliyyətini artırmaq variantı gündəmə gəlir. Ucuz və keyfiyyətli xarici malın qarşısında ancaq və ancaq ondan da ucuz yerli istehsal tab gətirə bilər".

Gələcəkdə ölkədə inflyasiya artımının olacağını deyən ekspert siqaret və spirtli içkilərin qiymətinin daha da bahalaşacağını bildirib:

"Fikrimcə, bir sıra mallara, o cümlədən geniş istehlak olunan siqaret və spirtli içkilərin idxalına qoyulan aksizlərin artırılması daha çox daxili bazarı qorumaq məqsədi daşıyır. Çünki Azərbaycanın əsas ticarət tərəfdaşları olan ölkələrin demək olar ki, hamısında milli valyutalar devalvasiyaya uğrayıb. Bu isə o deməkdir ki, onların istehsalı olan məhsullar ölkəyə gətiriləndə yerli mallarla müqayisədə ucuz olur. Bu da yerli istehsala problem yaradır. Hökumət bu yolla daxili istehsalı qorumağa çalışır.

Bunun arxasında dövlət büdcəsinə vergi daxilolmalarının artırılması kimi məqsəd də durur. Hər halda neft gəlirlərinin kəskin azalması hökuməti alternativ mənbələr axtarmağa vadar edir.

Nazirlər Kabinetinin siqaret və spirtli içkilərin idxalına tətbiq edilən aksiz vergisi dərəcəsinin artırması gələcəkdə ölkədə inflyasiya artımına gətirib çıxaracaq. Təbii ki, adıçəkilən malların bahalaşması qaçılmaz olacaq".

Tarix
2015.02.03 / 14:58
Müəllif
Ülkər Cəfərova
Şərhlər
Digər xəbərlər

Kapital Bank filiallarında ASAN İmza almaq mümkün oldu

İrəvandan 1 trilyon təzminat tələb ediləcək? - İqtisadçı

Kapital Bank azad olunan rayonlarda yeni filiallar açacaq

Neft sürətlə bahalaşır

Dolların bu günə olan məzənnəsi

Şuşaya çəkilən yeni yolun iqtisadi əhəmiyyəti - İqtisadçı

Neftin son qiyməti

Dolların bu günə olan məzənnəsi

Neft sürətlə bahalaşır

Ev almaq istəyənlər üçün sərfəli kredit imkanı

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla