Neftin qiyməti Amerika və Çinə görə ucuzlaşır.

Axar.az xəbər verir ki, bu barədə informasiyanı Rusiya mətbuatı yayıb.

Mətbuat Çinin özünün iqtisadi aktivliyi barədə hesabatı bu gün bazarda neftin qiymətlərinə təsir göstərdiyini bildirib:

"Çinin iqtisadi aktivliyi 49,9 bal təşkil edib. Bu isə iqtisadi aktivliyin artıq aşağı düşməsi deməkdir. Üstəlik, ABŞ-da fəaliyyət göstərən neft buruqlarında çalışanların ixtisarı davam edir. ABŞ neft ehtiyatlarının rekord həddə çatmasına baxmayaraq, bunlar neftin istehsalının gələcəkdə aşağı düşəcəyinə şahidlik edir".

Qeyd edək ki, neftin qiymətində bu gün səhər saatlarından ucuzlaşma müşahidə edilib. Hazırda London birjasında "Brent" markalı xam neftin bir barrelinin qiyməti 62,14 dollara satılır.