İranın neft hasilatını artırması 1-2 il ərzində qiymətlərin aşağı düşməsi və Rusiya, Venesuela, Nigeriya, Bəhreyn və Oman kimi ölkələrin kredit ödəmə qabiliyyətini sarsıdacaq.

Axar.az xəbər verir ki, bu barədə informasiyanı "Moody`s" beynəlxalq reytinq agentliyi yayıb.

Təşkilatın məlumatına görə, İranın əvvəllər dondurulmuş 150 milyard dollar dəyərindəki aktivlərinə girişə imkanın verilməsi, bu ölkənin 2017-ci ilə qədər neft hasilatını sutkada 4 milyon barrelə çatdırmasına şərait yaradacaq. Tələbat artmayacağı halda İran neftinin dünya bazarlarına çıxması qiymətin daha da ucuzlaşmasına gətirib çıxaracaq. Bundan başqa, hazırda Tehrana neft sahəsində keçən illərdəki inkişafın qarşısını alan investisiya yoxluğunun kompensasiyası lazımdır. İnkişaf isə öz növbəsində 230 milyard dollar investisiya tələb edir. Məhz bunun üçün də Səudiyyə Ərəbistanı və İraq neft hasilatını artırmaqla neftin qiymətinin ucuzlaşmasını kompensasiya etməyə və özlərinin bazardakı paylarını tutmağa çalışırlar. Amma istənilən halda Səudiyyə Ərəbistanının İranın neft bazarına qayıtması ilə yaranacaq çətin vəziyyətdən çıxması üçün kifayət qədər maliyyə buferi var. Fars körfəzinin digər ölkələri olan Oman və Bəhreyn isə daha az maliyyə ehtiyatlarına malikdirlər. Qiymətin ucuzlaşması hər iki ölkənin büdcəsi və ödəmə balansına neqativ təzyiq göstərəcək. Bu həmçinin Rusiyada rublun daha da zəifləməsinə və iqtisadiyyatın silkələnməsinə səbəb olacaq.