"AGBank"ın bir neçə gün öncə baş tutan səhmdarlarının ümumi yığıncağında bankın nizamnamə kapitalının artırılması yenidən müzakirə olunub.

Axar.az xəbər verir ki, nəticədə bankın nizamnamə kapitalı 77,2 milyon manat artırılaraq 102,2 milyon manata çatdırılıb.

Yığıncaq zamanı Audit Komitəsi və İdarə Heyətinin hesabatı dinlənilib, 2015-ci il üçün maliyyə hesabatları təsdiq olunub. Sonda isə səs vermə nəticəsi ilə bankın Müşahidə Şurasının və Audit Komitəsinin tərkibində müəyyən dəyişikliklər edilib. Mixail Fransev Audit komitəsinin yeni üzvü, İdarə Heyətinin sabiq sədri Azər Mövsümov isə Müşahidə Şurasının üzvü seçilib.

İdarə Heyəti sədrinin vəzifələrinin müvəqqəti icraçısı sədr müavini Əfqan Cəlilova həvalə olunub. İdarə Heyətinin qalan tərkibi isə dəyişilməz olaraq qalır:

Müşahidə Şurasının yeni tərkibi:

1. Əsədullayev Çingiz Rauf - sədr

2. Yusifov Fərzulla İsmail - üzv

3. Qriqoriy Marçenko - üzv

4. Mövsümov Azər - üzv

5. Beynəlxalq Maliyyə Korporasiyasının nümayəndəsi - üzv

Audit Komitəsinin yeni tərkibi:

1. Baxışov Fikrət - sədr

2. Çoxlayev Asif - üzv

3. Fransev Mixail - üzv

İdarə Heyətinin yeni tərkibi:

1. Cəlilov Əfqan - sədrin vəzifələrini müvəqqəti icra edən

2. Tokay Əlizadə - sədrin müavini

3. Səkinə Xələfova - üzv

4. Elnur Musayev - üzv

Qeyd edək ki, yaxın gələcəkdə də bankın strukturunda dəyişikliklər gözlənilir.