Britaniyanın paytaxtı London şəhərində sentyabrın 6-da “Palestine Action” qrupunun qadağan edilməsinə qarşı təşkil olunan etiraz aksiyasında saxlanılanların sayı 907 nəfərə yüksəlib.

Axar.az BBC-yə istinadla xəbər verir ki, 857 nəfər terrorçuluq haqqında qanuna əsasən qadağan olunmuş “Palestine Action” təşkilatını dəstəklədiklərinə görə, 33 nəfər isə digər səbəblərə, o cümlədən 17 nəfər polisə hücum ittihamı ilə saxlanılıb.

Təşkilatçılar isə polisin zorakılıq barədə yalan iddialar irəli sürdüyünü açıqlayıblar.

Qeyd edək ki, Britaniya hökuməti “Palestine Action” təşkilatını iyul ayında antiterror qanunvericiliyi çərçivəsində qadağan edib. Bu qrupa üzv olmaq və ya ona dəstək göstərmək cinayət hesab edilir və 14 ilədək həbs cəzası nəzərdə tutulur. Adıçəkilən təşkilatla bağlı qadağa qərarı üzvlərinin bu ilin əvvəlində RAF hərbi bazasına daxil olaraq iki hərbi təyyarəyə ziyan vurmasından sonra qəbul olunub.