Macarıstan və Slovakiyadan elektrik enerjisi və qaz təchizatı qəfil dayandırılsa, Ukrayna Prezidenti Vladimir Zelenski çox tez vəzifəsindən uzaqlaşdırıla bilər.

Axar.az xəbər verir ki, bunu Macarıstan Fundamental Hüquqlar Mərkəzinin analitiki Zoltan Koskoviç deyib.

Ekspertin fikrincə, Ukraynanın hücumları nəticəsində Macarıstan və Slovakiyanın enerji balansları ciddi şəkildə zədələnərsə, Ukraynaya tədarük dayandırıla bilər:

"Bu ölkələr daxili ehtiyacları ödəmək üçün tədarükləri kəskin şəkildə kəsə bilər. Bu tədarüklər Ukrayna üçün strateji əhəmiyyət kəsb edir, ona görə də onların dayandırılması Zelenski rejiminin dərhal dağılmasına səbəb olacaq".

Qeyd edək ki, Ukraynanın “Drujba” neft kəmərinə hücumu nəticəsində Slovakiyaya neft axını 5 gün dayanmışdı.