Ölkəmizdə daha çox Battal Qazi kimi tanınan məşhur türk aktyor Cüneyt Arkın 1972-ci ildə ona verilən Qızıl Qoza mükafatını niyə rədd etdiyini açıqlayıb.

Axar.az xəbər verir ki, Cüneyt Arkın bu mükafata daha çox həmkarı Yılmaz Güneyin layiq olduğunu, lakin siyasi səbəblərdən dolayı ona mükafatın verilmədiyini bildirib:

"O mükafata Yılmaz Güney layiq idi. Bunu hamı bilirdi, elə Yılmaz özü də. Ona görə də o mükafatı almağı özümə yaraşdırmadım. Haqsızlıqla mübarizə aparıb, mənə verilən bu mükafatı rədd etdim. Həmişə özümə bu sualı vermişəm: Filmlərdə qəhrəman olmaq, haqsızlığın, pisliyin qarşısını almaq asandır, bəs, həyatda necə? Həqiqətən də, o mükafat Yılmazın haqqı idi".

Qeyd edək ki, aktyor, rejissor, ssenarist Yılmaz Güney türk musiqisinin ən önəmli sənət adamlarından olub. Cəmi 47 il yaşayan rejissor 1984-cü ildə vəfat edib.