Bəyaz TV-də yayımlanan "Söyləməsəm olmaz" proqramının şərhçisi müğənni Nihat Doğan aktrisa Berna Laçın haqqında şok iddia irəli sürüb.

Moderator.az xəbər verir ki, müğənni çevirilişə cəhdən sonra vətəndaşlara evlərində oturmalarını məsləhət görən aktrisanın terrorçularla əməkdaşlıq etdiyini bildirib:

"Berna Laçın kimdir? Soncuncu dəfə hansı filmə çəkilib? Çəkildiyi həmin filmi neçə nəfər izləyib? Bu qadının filmini, serialını xatırlayan varmı? Ortaya nə qoyub? Ancaq illərdir ki, həmin qadın həmişə ekranda olub. Xalqın dürüstlüyünə inandığı şəxsləri çəkərlər reklama.

Berna Laçın nə üçün həmişə reklama çəkilir, ona həmişə pul verilir? Bunun səbəbi isə gizli təşkilatların özlərinə dəstək verənlərin arxasında dayanmasıdır. Həmin şəxslər çox kritik əməliyyat nöqtəsi zamanı təşkilat tərəfindən istifadə olunur".