14:16

Milli Məclisin sabiq deputatı, jurnalist Etibar Hüseynovun qızı Maral Hüseynova işdən çıxarılıb.

Bizimyol.info xəbər verir ki, eks-deputat qızı Maral Hüseynova çalışdığı Xəzər TV-dən çıxarılıb.

Maral Hüseynova Xəbərlər Xidmətində çalışıb və o, telekanalda gedən dəyişiklik səbəbindən, bir neçə gün bundan əvvəl işdən çıxarılıb.

Etibar Hüseynov isə Musavat.com-a açıqlamasında qızı Maral Hüseynovanın heç vaxt Xəzər TV-də işləmədiyini deyib:

"Qızım ali təhsilini bitirdikdən sonra - 2015-ci ildə telekanalda bir neçə ay təcrübə keçib. Daha sonra isə ailə həyatı qurdu və təxminən 1 il əvvəl təcrübə keçməyi dayandırdı".