ANS-də "Komedi.az" və aktyor Müşfiq Şahverdiyevin apardığı veriliş ona görə bağlanmışdı ki, onlar aşağı səviyyəli verilişlər idi.

Bu sözləri MTRŞ-nın şöbə müdiri Təvəkkül Dadaşov televiziyadakı aşağı səviyyəli verilişlər haqda Axar.az-a danışarkən deyib. O, səviyyəsiz verilişlərin tədricən aradan qaldırılacağını bildirib:

"Bozbaş pikçers"in də reytinqinin çox olmasına baxmayaraq, qara yumorla məşğul olduğunu bildirmişdik. Buna görə hətta "Bozbaş pikçers"i ATV kanalı özü bağlamışdı. İndi isə yenidən efirə qaytarıblar. Amma düşünürük ki, onlar iradları nəzərə alıb, dəyişiklik edəcəklər.

O ki qaldı reytinqli proqram olmasına, onların efirə getdiyi saatlarda hansı proqramın buraxılışı olsa, böyük reytinq alacaq".