Rəqabəti çox sevirəm, məsələn, mənə “filan verilişin reytinqi yuxarı idi” desələr, tez o verilişə baxıram ki, görüm, məni nədə keçib?!

Bu sözləri aparıcı Firuzə Cəlilova sənətdəki rəqabət haqda Kult.az-a danışarkən deyib. O özünə güvəndiyini bildirib:

“Görürəm, bayağı musiqilər, aparıcının bayağı danışığı və onlara baxan auditoriyanın səviyyəsi... Mənsə o cür kütləyə işləmək istəmirəm. Hətta böyük bir söz deyərək altına imzamı ataram ki, səhər verilişləri içində ən maraqlısı bizimkidir. Ona görə ki, bizim çox yaxşı kollektivimiz var və biz hər cəhətdən mövzulara toxunuruq - əyləncədən tutmuş sosial mövzulara kimi. İnşallah, bu ildən etibarən verilişimiz də olacaq”.

Qeyd edək ki, Firuzə Cəlilova Xəzər TV-də yayımlanan “Oyan Azərbaycan” verilişinin aparıcısıdır.