Təbriz hər zaman arzularımızın şəhəri olub, bu şəhəri bir dəfə görən bir də görmək istəyib.

Havasıyla, yağışıyla, yaz səhərinin sərin mehi, çiçəklərinin şehi ilə qəlbə yatır, ürək sevindirir, göz oxşayır bu şəhər. Bu şəhər nağıllarda, əsatirlərdə, gerçəklikdə adına “cənnət” deyilən bir məkandır: tarixə damğasını vuran böyük dövlətlərimizin, imperiyalarımızın paytaxtıdır! Tanrımız bu şəhərə bütün gözəlliklərini verib...

Baharın gəlişi Təbrizdə bir fərqli olur: şəhərin gözəlliyinə xüsusi bir gözəllik qatılır, xiyabanlar, şəhərətrafı məkanlar təbiətin sehrinə düşür elə bil. İnsanları sehrləməkdə, gözləri sevindirməkdə olan lalələr boy-boya verir, əl-ələ tutub sevgililər kimi nazlanlr...

Bütün şəhər lalələrin gözəllik yağışında ətirlənir. Yol kənarlarında, səkilərdə, xiyaban və gəzinti yerlərində əkilən lalələr şəhəri doğrudan da gerçək həyatdan nağıllar dünyasına – cənnətə bənzədir, arzular diyarına çevirir.

Təbrizə gələn çoxsaylı qonaqlar, turistlər bu gözəllikdən doymur, məftun olur, içlərində bir rahatlıq, gözlərində bir bəxtəvərlik sərgiləyirlər. Bu gözəllikləri bütün sosial şəbəkələrdə paylaşırlar. Təsadüfi deyil ki, bu günlərdə sosial şəbəkələrdə və axtarış qruplarında “Lalə” sözünü yazdıqda dərhal “Təbriz” sözü çıxır, monitora Təbriz şəhəri gəlir.

Arzularımızın şəhərindəki bahara bir yerdə tamaşa edək: