Dövlət nümayəndələrindən yalnız Mədəniyyət və Turizm naziri Əbülfəs Qarayev danışıb.

Axar.az xəbər verir ki, hazırda Azərbaycan Yazıçılar Birliyinin (AYB) növbəti qurultayı keçirilir və qurultayın ilk hissəsi maraqlı hadisələrlə yadda qalıb.

Belə ki, protokol qaydasına görə ilk söz verilən şəxs Azərbaycan Respublikası Prezidenti Administrasiyasının Humanitar siyasət məsələləri şöbəsinin müdiri Fatma Abdullazadə olmalıymış. Amma AYB rəhbəri Mədəniyyət və Turizm naziri Əbülfəs Qarayevə söz verib. Qurultayda iştirak edən mənbənin verdiyi məlumatda deyilir ki, nazir ilk olaraq məhz ona söz verilməsindən hətta təəccüblənib.

Hazırda 11 nəfər çıxışçının növbə gözlədiyi, onların arasında isə Fatma xanımın olmadığı bildirilir.

Fatma Abdullazadənin özünün çıxışdan imtina etməsi və bunun əvvəlcədən razılaşdırıldığının da mümkün olduğu qeyd olunur. Amma qurultayda Fatma xanımın bu imtinasına aydınlıq gətirilmədiyindən, iştirakçılar təəccübləniblər.

P.S. Aldığımız məlumata görə, bu dəqiqələrdə Fatma Abdullazadəyə çıxış üçün söz verilib.