"Xulio Kortasar" mükafatına dünyanın 17 ölkəsindən 330 yazıçı iddialı olub.

Axar.az Kuba KİV-nə istinadən xəbər verir ki, Xulio Kortasar adına mükafat 28 avqustda Havanada Argentina yazıçısı Aleksandro Stillmana "Dünya bizimdir" əsərinə görə verilib.

Kuba Yazıçılar, Artistlər və Rəssamlar Birliyinin başçısı Migel Barnet, ( o da Kortasar adına mükafatın lureatıdır) mərasimdə çıxış edərək deyib: "Əgər Xulio Kortasar yaşasaydı, 27 avqustda 100 yaşı olacaqdı. O, həmişə yaşam və ədəbi yaradıcılıq üçün nümunə olub. Bu mükafat – onun xatirəsini hörməklə anmaq üçün bir imkandır".

Xatırladaq ki, 60-cı illərin sonlarında Kubaya gələn Kortasar Kuba inqilabının müdafiəsi naminə birləşmiş ziyalıların sırasına daxil olmuşdu. Yazıçı sonralar Nikaraqua inqilabını da dəstəkləyənlər sırasında idi.

Kuba Kortasarın 100 illik yubileyində Argentina ədəbiyyatının klassiklərinin hekayələrinin motivləri əsasında çəkilmiş filmləri seyrçilərə təqdim edib.