Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
26 Aprel 2019


Sәadәt Cahangirin "Qırov"u Bakıda

Ana səhifə Kult
12 Punto 14 Punto 16 Punto 18 Punto

Yazar Səadət Cahangirin ikinci şeirlər kitabının təqdimatı keçirildi

Ötən gün AXCP-nin qərargahında "Azad Debatlar Mərkəzi"nin (ADM) təşkilatçılığı ilə AXCP Rəyasət Heyətinin üzvü, "Azadlıq" qəzetinin yazarı Səadət Cahangirin "Qırov" şeirlər kitabının təqdimatı keçirilib. Tədbirdə tanınmış siyasi xadimlər, hüquq müdafiəçiləri, yazıçılar, fəal gənclər iştirak edib. AXCP Gənclər Komitəsinin sədr müavini Ilham Hüseyn tədbiri giriş sözü ilə açaraq, kitabdakı şeirlərin məzmunu, ədəbiyyatın insan həyatındakı rolu və şeirin dəyərindən danışıb.

Tədbirdə ilk çıxışçı "Azadlıq" qəzetinin redaktoru Rövşən Hacıbəyli olub. Rövşən Hacıbəyli çıxışında Səadət Cahangirin hələ tələbəlik illərindən demokratiya uğrunda mübarizəyə qoşulduğunu, bu yolda ardıcıl olduğunu deyib: "Səadət xanımla tanışlığımız ötən əsrin sonlarına, Azərbaycanda müstəqillik uğrunda mübarizə illərinə təsadüf edir. Mübarizə meydanı dolub-boşalıb, burdan çoxları keçib. Ancaq Səadət yenə də gənclik əzmiylə bu yoldadır. Mübarizə meydanındadır. Onun bu gün təqdim olunan şeirlər kitabı da bir mübarizə manifestidir. Əməlləri və yazdıqları arasında fərq olmayan tək-tək şairlərdən saymaq olar Səadət xanımı". Sonra R.Hacıbəyli S.Cahangirin "Savaş adamları" şeirini oxuyub.

Daha sonra tәdbirin qonaqları Eldar Hüseynov, professor Cəmil Həsənli, publisist Mehriban Vəzir, AXCP sədri Əli Kərimli, Nurəddin Məmmədli, Fuad Qəhərmanlı, yazıçı Zümrüd Yağmur kitab haqqında fikrilərini bölüşüblәr.

Sonda Səadət Cahangir çıxış edərək hər kəsə təşəkkür edib və kitabın təqdimatından məmnun olduğunu bildirib: "Mən bu kitabı çap etdirəndə düşünürdüm ki, kitab azadlıqsevər insanların kitabı olacaq. Arzu edirəm ki, Azərbaycan həbsxana şeirlərinin deyil, sevgi şeirlərinin yazıldığı bir ölkəyə çevrilsin. Hər birinizə təşəkkür edirəm və sizinlə qürur duyuram".

Tədbirin sonunda kitab satışa çıxarılıb və müəllif alınan kitablara ürək sözlərini yazıb.

Tarix
2013.12.01 / 12:47
Müəllif
Alpər Cəbrayıl
Şərhlər
loading...
Digər xəbərlər

Rektor yenə təəccübləndirdi: bufetdə, qırıq stulda... - Foto

Xoşqədəm Hidayətqızıdan tənqidlərə sərt cavab - Video

Azərbaycanda sürpriz: Fallos tapıldı - Foto

ADU Yəsəvi Universiteti ilə memorandum imzaladı – Foto

AMEA-da iki vacib təyinat

Atatürkün sultana şok məktubu: İslam dünyasına hakim olaq!

Moskvada Qarabağ atları ilə bağlı - Sərgi

Nazir müavini BDU-ya görüşə gedir – Layihə

Bakıda avtobusda hindli cütlüyün romantik anları - Video

Türkiyədə 1300 illik tarixi olan kitab ələ keçirildi - Foto

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla