Türkiyənin Mersin şəhərində yandırılaraq qətlə yetirilən 20 yaşındakı Özgəcan Aslan cinayəti ilə eyni gündə Antalya şəhərində də təcavüz hadisəsi baş verib.

Axar.az Türkiyənin "Hüriyyət" qəzetinə istinadən xəbər verir ki, Antalyada 28 yaşında olan və sağ qaldığı üçün adı açıqlanmayan S.Y.U. küçədə avtobus dayanacağına doğru gedərkən 3 nəfərin hücumu ilə üzləşib. Ağzına tutulan bez parçasından sonra huşunu itirən qız az sonra maşının içərisində ayılıb.

Zorlama olayından dərhal sonra polisə ifadə verən qız hadisənin detallarını açıqlayıb:

"Onlar 3 nəfər idi. Biri əl-qolumu tutmuşdu, o birisi isə üstümə çıxıb paltarlarımı çıxarmaq istəyirdi. Təpikləyərək ona mane olmağa çalışırdım. Ağzımı tutan adamın ovcunu dişlədim. Bu vaxt qışqırmaq üçün fürsət yarandı. Maşının sürücüsü arxadakılara "40 kiloluq bir qızı da tuta bilmirsiniz" dedi. İndi də o səsi eşitsəm, tanıyaram. Bundan başqa, onlardan birinin sağ gözünü cırmaqlamışam və həmin şəxs sol əlindəki çeçələ barmağını işlədə bilmirdi".

Ən maraqlısı isə odur ki, antalyalı xanıma dünyasını dəyişmiş Özgəcan Aslanla eyni gündə və eyni saatda - 11 fevral 21:00-da təcavüz edilib.