Ana səhifə Kult |
Hazırda Heydər Əliyev mərkəzində "Əli və Nino" filminə həsr olunmuş mətbuat konfransı keçirilir.
Axar.az xəbər verir ki, bu barədə məlumatı Heydər Əliyev Fondunun vitse-prezidenti Leyla Əliyeva İnstaqram foto paylaşım səhifəsindəki hesabında paylaşıb.
Leyla Əliyeva fotolara ingilis və Azərbaycan dillərində belə şərh yazıb: "Heydər Əliyev Mərkəzində "Əli və Nino" filminə həsr olunmuş mətbuat konfransı".
Qeyd edək ki, Britaniyanın "PeaPie Films" kino şirkəti Məhəmməd Əsəd bəyin (Qurban Səid) "Əli və Nino" əsərini ekranlaşdırır. Müsəlman Əli və xristian Ninonun romantik sevgi hekayəsindən bəhs edən filmin çəkilişləri bu ildən Azərbaycanda başlayacaq. Filmin icraçı prodüseri Leyla Əliyeva, ssenari müəllifi britaniyalı yazıçı, ssenarist və kinorejissor, "Oskar" mükafatı sahibi Kristofer Hempton, prodüseri Kris Tikye, rejissoru isə Asif Kapadiyadır.
Fotoları təqdim edirik:
Tarix
2015.02.23 / 12:32
|
Müəllif
Nilufər Muğantürk
|