"Mən hərəkət eləyən vaxt şəklimi çəkib sayta yerləşdiriblər".

Şpaqat açması və geyimi ilə bağlı son vaxtlar sosial şəbəkələrdə və saytlarda çoxsaylı tənqid və təhqirlərə məruz qalan aktrisa Telli Hüseynova bu barədə Axar.az-a açıqlama verib:

"Mən verilişdə idman eləyirdim – "Bədən tərbiyəsi və idman günü" idi – şpaqat açırdım, adamları – qocaları qaldırıb səhər idmanı etdirirdim. Mən hərəkət eləyən vaxt şəklimi çəkib sayta yerləşdiriblər. Əgər bu köynək mənim əynimə dar oturursa, bədən ölçüm böyükdürsə, mən neyləyim? Lüt deyildim, açıq-saçıq deyildim. Geyimim pis olsaydı, rəhbərlik iradını bildirərdi. Bir dost mənə yazdı ki, Telli, sən onları məhkəməyə də verə bilərsən.

Verilişə dünya çempionu Anar Süleymanov gəldi. O mənim əlimi sıxdı, yaxşı verilişə görə təşəkkür etdi, bəs bu, saytları maraqlandırmır? Mən o saytlara baxmamağa çalışırdım, çünki şəkərəm, mənə əsəbiləşmək olmaz".