Fransız satirik jurnalı "Şarli Hebdo"nun ("Charlie Hebdo") heyəti gəlirlərin bölüşdürülməsində anlaşılmazlıq yaşayıb.

Axar.az xəbər verir ki, mediaya sızan məlumatlar jurnalın heyətində maliyyə problemləri olduğunu aşkara çıxarıb. İddialara görə, jurnalın yazarlarından olan Laurent Leger iclasda 11 işçiyə toplanan gəlirlərin bərabər bölüşdürülməsi üçün bir cəmiyyət yaratdıqlarını deyib. İşçilərdən biri isə "Şarb"ın ölümündən sonra onun hissəsindən danışmağın düzgün olmadığını deyib.

"Şarli Hebdo"nun 23 ildir vəkilliyini edən Riçard Malka isə mətbuata verdiyi açıqlamada "Bəzi problemlər olduğunun fərqindəyəm. Silahlı hücumda ölən işçilərin ailələrini nəzərə alıram. Karikaturaçı Riss hələ də xəstəxanadadır. Şarbın hissəsi isə varisləri tərəfindən donduruldu. Bu qədər pul yaxşılıqdan çox ziyan gətirdi" – deyib.

Qeyd edək ki, yanvarın 7-i "Şarli Hebdo"ya olan silahlı hücumda jurnalın 12 işçisi öldürülmüşdü. Hücumdan sonra çıxan jurnalın ilk sayının satışından və toplanan ianələrdən 15 milyon avrodan çox gəlir əldə edildiyi iddia edilir.