Ötən gün Nizami Kino Mərkəzində "Biznesmen" filminin qala gecəsi baş tutub.

Axar.az xəbər verir ki, məşhur klipmeyker Nail Naiboğlunun rejissorluğu ilə ekranlaşdırılan film komediya janrındadır. Film Ramiz Abdullayevin 2000-ci ildə işıq üzü görən eyniadlı pyesi əsasında çəkilib.

Tanınmış simaların da iştirak etdiyi təqdimat mərasimi Nail Naiboğlunun qonaqlara təşəkkür etməsi, film haqda qısa məlumat verməsi ilə başladı. Daha sonra "Biznesmen" pyesinin müəllifi Ramiz Abdullayev Azərbaycan kinematoqrafiyası haqda fikirlərini bölüşdü.

Filmdə baş rolu tanınmış teleaparıcı, Xəzər TV-nin keçmiş əməkdaşı Anar Nəcəfli ifa edir. "Biznesmen"in prodüseri Pərviz Oktayoğludur.

Filmdə xalq artisti Arif Quliyev, əməkdar artist Xuraman Əlizadə, aparıcı Kamran Quliyev, repçi Qurd və başqaları çəkiliblər.