Aprelin 14-dən 15-nə kimi Quba şəhərində Prezident təqaüdçülərinin konserti keçirilir.

Mədəniyyət və Turizm Nazirliyindən Axar.az-a verilən məlumata görə, bu konsert istedadlı gənclərin respublikada tanınması və gənc nəsildə bədii-estetik zövqün inkişaf etdirilməsi üçün nəzərdə tutulub.

Qeyd edək ki, elmi və mədəni tərəqqinin müstəqil Azərbaycanın gələcəyi üçün müstəsna əhəmiyyətini nəzərə alaraq istedadlı gənclərə Azərbaycan Respublikası Prezidentinin şəxsi himayəsini, onların yaradıcılıq potensialını inkişaf etdirmək üçün dövlət qayğısını təmin etmək məqsədilə Heydər Əliyev "Azərbaycanda gənc istedadlara dövlət qayğısı haqqında" 1996-cı il 22 iyun tarixli 464 nömrəli Fərman imzalanıb.

Bu Fərmana uyğun olaraq Azərbaycan Respublikası Prezidentinin müvafiq Sərəncamları ilə musiqi sahəsində xüsusi istedadı olan gənclərin adları Azərbaycanın gənc istedadlarının "Qızıl kitabı"na yazılıb və onlar Azərbaycan Respublikası Prezidentinin xüsusi aylıq təqaüdünə layiq görülüb.