"Mən dedim ki, ssenari ilə yaxından tanış olum, oxuyum, əgər xoşuma gəlsə, çəkilərəm".

Bu sözləri Axar.az-a açıqlamasında xalq artisti Rasim Balayev Kənan Musayevin "Zaman adlı qatar" filmində rol alacağı ilə bağlı yayılan xəbərlərə münasibət bildirərkən deyib:

"Mənə hələ ssenarini verməyiblər. Mən dedim ki, ssenari ilə yaxından tanış olum, oxuyum, əgər xoşuma gəlsə, çəkilərəm. Ssenari bu gün, ya da sabah məndə olacaq. Təklif olunan filmin və orada çəkiləcəyim rolun mənlik olub-olmadığından əmin deyiləm. Buna görə də hələ dəqiq deyil. Rejissor hadisələri nağıl kimi danışıb mənə. Mənsə demişəm ki, mənə ssenarini verin, oxuyum, sonra qərar verəcəyəm".

Xatırladaq ki, rəqqasə Oksana Rəsulova "Axşam.az"a verdiyi açıqlamada yeni çəkildiyi "Zaman adlı qatar" filmindəki tərəf-müqabillərindən danışarkən xalq artisti Rasim Balayevin, Həmidə Ömərovanın, aktrisa Könül Nağıyevanın adını çəkib.