Ana səhifə Kult |
Texnologiyanın inkişafı nəticəsində bir çox suallara, tarixin dərinliklərində toz basmış sirlərə cavab tapılsa da, bəşər övladına hələ də müəmmalı qalan məsələlər var.
Axar.az elm və texnologiyanın hələ də çözə bilmədiyi 10 müəmmanı təqdim edir:
Moa quşu
Moa Yeni Zellandiyada yaşayan və 500 il öncə nəsli kəsilən quşdur. Ekspedisiya heyəti qazıntılar apararkən bu quşun pəncəsini tapıblar. Maraqlısı budur ki, pəncə çürüməyib və 500 il keçməsinə baxmayaraq, sağlamdır.
Saksayuaman Məbəd Kompleksi
Peruda yerləşən sözügedən məbəd heç bir birləşdiricidən istifadə olunmadan tikilib və daşlar bir-birinin üzərinə elə dəqiqliklə yerləşdirilib ki, onların arasına heç kağız parçası salmaq da mümkün deyil.
Günəş qapıları
Tiauanakoda yerləşən Günəş qapıları eramızdan əvvəl birinci minillikdə böyük bir imperiyanın mərkəzi hesab olunub. Əfsanəyə görə, ilk insanlar dünyaya bu darvazalardan daxil olub. İllərlə bu qapıların özünəməxsus astroloji gücləri olduğuna inanılıb.
Lunyu Mağaraları
Bu Çin mağaraları insan əməyi nəticəsində meydana gələn süni mağaralardır. Mağaranın divarları daşdan deyil, qumdandır.
Lakin mağaraların yaranmasında əməyi keçən insanlar və mağaranın yaradılması prosesi haqda heç bir yazılı mənbə yoxdur.
Obelisk
Obelisk qayadan yonulan daş sütundur. Qədim Misirdə hazırlanmağa başlanan bu məşhur sütunun ölçüləri dünya rekorduna malikdir.
Sualtı şəhər
Yaponiyada yerləşən böyük sualtı şəhəri təsadüfən dalğıc Kixaçiro Aratake kəşf edib. Bu sualtı şəhər bütün elmi nəzəriyyələri alt-üst edir. 10 min il əvvəl su altına qərq olan şəhər hələ Misir ehramlarının tikilməsindən öncə salınıb.
Mohenco-Daro
Mohenco-Daro Pakistanın Sind əyaləti sərhədləri içində, İnd çayı sahilində olan antik mədəniyyət ocağıdır. Mohenco-Daro "Ölülər şəhəri" deməkdir. Bu qədim şəhər Pakistan dövləti yarandıqdan sonra onun payına düşüb və hazırda Kəraçi şəhərindən 400 km şimaldadır. Saysız-hesabsız yüzilliklər ərzində torpaq qatları altında qalmış Mohenco-Daronun tapılması XX əsrin ən böyük arxeoloji kəşflərindən biri kimi qiymətləndirilir.
Lanso Medous şəhərciyi
Bu şəhərcik Kanadada vikinqlər tərəfindən, təxminən, 1000 il əvvəl salınıb. Bu o deməkdir ki, vikinqlər Xristofor Kolumbdan daha əvvəl Amerikada olublar.
Daş dövrünün tunelləri
Böyük tunellər Şotlandiyadan Türkiyəyə qədər bütün Avropanı əhatə edir. Bu tunellər qədim daş dövründən qalıb.
Kosta Rikanın top daşları
İlk dəfə XX əsrin 30-cu illərində kəşf olunan bu daşlar mükəmməl quruluşa malikdir. Əfsanəyə görə, yerli əhali bu daşların içində qızıl gizlədildiyinə inanır. Bu əfsanənin reallığını yoxlamaq üçün daşları bölüb içinə baxıblar. Lakin qızıl tapılmayıb.
Tarix
2015.06.21 / 23:06
|
Müəllif
Rəfiqə Əlisəfa
|