Bir çox texnoloji kəşflər zaman keçdikcə bəşəriyyət üçün zəruri amilə çevrilərək müəlliflərinə külli miqdarda gəlir gətirib. Ancaq təkcə həyatımızı dəyişən kəşflər deyil, bəsit tapıntılar da sahiblərinə milyardlarla dollar qazandırıb.

Axar.az sahiblərini milyonçuya çevirən sadə və primitiv ixtiraları təqdim edir:

Smaylik

Smaylik işarəsini 1963-cü ildə amerikalı rəssam Harvi Boll kəşf edib. O, ilk dəfə smayliki təqdim edəndə rəssama cəmi 45 dollar pul ödənilib. İllər sonra isə iki qardaş – Bernar və Mürrey Speyn dərk etdilər ki, bu işarənin böyük marketinq potensialı var. Bundan sonra qardaşlar bu işarə ilə 50 milyon qazanc əldə etdilər.

Slinki

Adətən, göy qurşağının rənglərini özündə birləşdirən slinki dünyanın ən məşhur oyuncağı hesab olunur. Oyuncağın ideya müəllifi Riçard Ceymsdir. Ceymsin sözlərinə görə slinkini yaratmaq ideyası onun ağlına təsadüf nəticəsində gəlib – yerə düşən yaylar yuvarlanıb və müəllifin ağlına slinkini yaratmaq gəlib. Bu "ixtira" ilə Riçard Ceyms 250 milyon dollar qazanıb.

Oyuncaq yastıq

Uşaqlar yumşaq oyuncaqları çox sevir. Bir dəfə Cennifer Telfer görür ki, oğlu yastıqdan daha çox oyuncaqlarla yatmağa üstünlük verir. Bundan sonra Cenniferin ağlına yeni ideya gəlir. O, yumşaq oyuncaqlardan oğluna müxtəlif yastıqlar düzəldir. Çox keçmir ki, Cenniferin ideyası yayılır və məşhurluq qazanır.

Dairə

Sahibinə milyondan çox gəlir gətirən daha bir oyuncaq – dairə.

Üstündən illər keçməsinə baxmayaraq, dairədən hələ də dünyanın dörd bir yanında istifadə olunur. Statistikaya görə, indiyə qədər 100 milyondan çox dairə satılıb.

Plastır

Yəqin ki, hər evdə plastır var. İlkin yardım zamanı ən çox istifadə olunan plastır ilk dəfə 1920-ci ildə "Conson & Conson" şirkəti tərəfindən istehsal olunub.

Stiker

Yaradıcısına 1 milyarddan çox gəlir qazandıran stikerlərin müəllifi Spens Silverdir. Spens yeni yapışqan üzərində işləyərkən onu təsadüfən kağıza batırır və bundan sonra həmin kağızın yad cisimlər üzərində asanlıqla durduğunu görür. Bu hadisədən sonra o, stiker ideyasını irəli sürür və milyarderə çevrilir.