Axar.az
Yuxarı

Erməni sürüsünü QURDlarımız yeyir?

Ana səhifə Kult
12 Punto 14 Punto 16 Punto 18 Punto

Yenə erməni mediası Qarabağdakı rus sülhməramlılarının məsuliyyət zonasına gətirilib-yerləşdirilən erməni sakinin heyvanlarının yoxa çıxması barədə məlumat yayıb. Guya bu dəfə 32 inək, 13 buzovu azərbaycanlılar “oğurlayıb”.

İlk başda bu inək-buzovun bir şəxsə aid edilməsi adamda şübhə yaradır. Bu naxırçı kimmiş belə? Təzə erməni fermeridir? Nə tez topladı bu yekəlikdə sərvəti? Bu, fermasının hamısıdırmı? Harda saxlayırmış bu təsərrüfatını?

Yenə adını fermer qoyub, fermadan oğurlandığını desələr, bir az inandırıcı olardı.

Digər tərəfdən, hadisə guya 3 oktyabrda baş verib, ancaq nədənsə 24 gün sonra hay-küy qaldırmağı lazım biliblər. Niyə? Bir cücəniz itib xəbəriniz olmayıb? 24 gündür 45 baş iribuynuzlu heyvanın yoxa çıxmasından indi niyə xəbər tutursunuz ki?

Bir neçə gün öncə də Qərbi Zəngəzur əyalətinin Azərbaycanla sərhəddə yerləşən Karnidzor kəndinin 107 qoyunu və 5 baş keçisinin Azərbaycan ərazisinə keçdiyi və yaxud azərbaycanlılar tərəfindən oğurlandığı bildirilmişdi.

Maraqlıdır, axı o ərazilərdə hələ azərbaycanlı əhali yaşamır? Yoxsa əsgərlərimizi nəzərdə tuturlar, sadəcə, “əsgər” yazmağa cəsarət etmirlər, “azərbaycanlılar” adı ilə ümumiləşdirirlər.

Ümumiyyətlə, vaxtaşırı olaraq yayılan bu qoyun-quzu, inək-buzov söhbətinin məqsədi-məramı, hədəfi nədir?

Yayılan informasiyaların heç birinin də “sonu” olmur: bu barədə Azərbaycan tərəfinə müraciət edilib, ya yox, nəticə necə oldu, qoyun-quzusu itən erməninin şəkli, videosu və yaxud itkin düşən qoyunların “fotosu”, nam-nişanı hanı?

Qoyun-quzu sizdən niyə qaçaq düşür? Nə oldu, qoyunlarınız o qədər ağıllıdır ki, “azıb” İrana, Gürcüstana keçmir, hətta Naxçıvana adlamır, yalnız işğaldan azad edilən yeni ərazilərə qaçası olur?

Necə olur, qoyun-quzular əsasən Zəngəzurdan buxarlanır, məsələn, Kəlbəcərə, Qazaxa, Tovuza keçmir?

Ya qoyun-quzuları satıb, sərhəd ərazilərdən köçməyə hazırlaşırlar və adını “oğurlandı” qoyurlar, ya özləri özlərindən etdikləri oğurluqları bizim ayağımıza yazmağa çalışırlar, ya da erməni mediası hər zamankı kimi əxlaqsız bir təbliğata başlayıb.

Əvvəla, qoyun-quzularınızın “oğurlanmasını” istəmirsinizsə, ayağınıza bağlayın, canınız çıxsın, bizim torpaqları otlaq yerinə çevirməyin. Daha işğaldakı torpaqları oylaqlara çevirdiyiniz zamanlar gorbagor oldu, cəhənnəmə getdi.

İkincisi, “oğurluq” istəmirsinizsə, onda sərhədlərin delimitasiya və demarkasiyasına bir an tez başlayın – qoy sərhədlər çəkilsin ki, sizin azan-təzən qoyun-quzu-inəkləriniz bu tərəfə keçməsin.

Üçüncüsü, növbəti dəfə bu məlumatı yayanda qoyunlarınızın şəklini də qoyun, İnterpolla axtarış verin: əgər Boz QURDlarımız yeməyibsə, qaytararıq...

Bir də qulağınıza sırğa edin: Qurdların olduğu məkana qoyun buraxmazlar, çalışın, azıb-təzib özünüz bəri keçməyəsiniz!

Tarix
2021.10.27 / 22:29
Müəllif
Şeyx Teymur
Şərhlər
Digər xəbərlər

“Dədə Ələsgər” kitabı təqdim edildi

Azərbaycan-Qətər dostluq abidəsinin açılışı oldu

Anar Kərimov Misirdə

Bakıda “Rioda bir gecə” adlı konsert keçirildi

Aşıq Ələsgərin abidəsi harada ucaldılacaq?

Xalq artistinə ağır itki

Kluni türklərin 35 milyonundan imtina etdi: Erməniçilik?

Mir Möhsün Nəvvabın Cıdır düzündəki məzarı bərpa olundu

Əvəz Qurbanlı süni tənəffüs aparatına bağlandı

Dünyanın ən kiçik Quranı bu ölkədə sərgilənir - Foto

KULT
<>
Xəbər xətti
  
  
  
  
yatsan
Axar.az'da reklam Bağla
Reklam
Bize yazin Bağla