C.Cabbarlı adına "Azerbaycanfilm" kinostudiyasının istehsalı olan "Qırmızı bağ" bədii filminin istehsalı yekunlaşmaq üzrədir.

Axar.az xəbər verir ki, film Sankt-Peterburqda, "Cinemix" studiyasında tamamlanacaq. Montaj-səsləndirmə dövründə film üzərində azərbaycanlı və rusiyalı kino mütəxəssislərindən ibarət heyət çalışır.

Yeni ekran əsərinin ssenari müəllifi və quruluşçu rejissoru Mirbala Səlimli, quruluşçu operatoru Maksim Drozdov, quruluşçu rəssamı Leonid Karpov, bəstəkarı Salman Qəmbərov, prodüserləri Müşfiq Hətəmov ("Azərbaycanfilm") və Timur Vaynşteyndir ("Weit Media").

Filmdə baş rolları Maqsud Məmmədov, Gülzar Qurbanova, Taleh Bədiyev canlandırırlar.