Ötən gün vəfat edən əməkdar artist Tanilya Əhmərova ilə vida mərasimi bu gün keçiriləcək.

Axar.az xəbər verir ki, Azərbaycan Respublikası Kinematoqrafçılar İttifaqından verilən məlumata görə, vida mərasimi 13:00-da Təzə Pir məscidində təşkil olunacaq.

Qeyd edək ki, T.Əhmərova uzun sürən xəstəlikdən sonra avqustun 4-də vəfat edib. İyunun 1-də 65 yaşı tamam olan aktrisa 1978-ci ildən "Azərbaycanfilm" kinostudiyasında çalışıb, bir çox filmlərdə - "Sevinc buxtası", "Şir evdən getdi", "Üzü küləyə", "Qayınana", "Yarımçıq qalmış mahnı", "Üzeyir ömrü", "Əlavə iz", "İlıq dənizdə buz parçası", "İşarəni dənizdən gözləyin", "Portağal" (Ukrayna), "Hər şeydən əvvəl düzlü" (Özbəkistan), "Dağıdılmış körpü" və s. – rol alıb.

Allah rəhmət eləsin!