Axar.az
Yuxarı

Nazim Hikmətin salamını almayan Leventə cavabı

Ana səhifə Kult
12 Punto 14 Punto 16 Punto 18 Punto

Ötən gün türk şeirinin zirvələrindən birinin – Nazim Hikmətin doğum günü idi (15 yanvar 1902-ci il). Böyük şairin sevinc və əzablarını bol-bol yaşadığı dünyaya gəlişindən 120 il keçir.

Kult.az xəbər verir ki, bu barədə sabiq səfir, professor Vilayət Quliyev yazıb.

V.Quliyev Nazim Hikmət haqda dostu, görkəmli ədəbiyyatşünas-alim, Azərbaycan EA-nın müxbir üzvü, Əziz Mirəhmədovdan eşitdiyi bir hadisəni paylaşıb:

“Əziz müəllim danışırdı ki, Nazım Hikmət 1957-ci ildə Məhəmməd Füzulinin vəfatının 400 illiyi münasibəti ilə keçirilən anım mərasimində iştirak etmək üçün Bakıya gəlmişdi. Qonaqların arasında bir sıra xarici ölkələrin elm və sənət adamları, eləcə də tanınmış türk alimi, klassik türk ədəbiyyatına dair dəyərli əsərlərin müəllifi, professor və millət vəkili Agah Sirri Levent (1893-1978) də vardı.

EA Rəyasət Heyətinin binasında – İsmailiyyədə keçirilən yubiley gecəsində həmvətəni ilə üz-üzə gələn Nazım bəlkə də fərqinə varmadan ona salam verir. Agah Sirri isə sanki şairi görmürmüş kimi, tez üzünü yana çevirir. Yəqin ki, onu da başa düşmək mümkündür. Çünki geri döndüyündə ani nəzakət nümayişinə görə sorğu-suala çəkilməyəcəyindən arxayın deyildi.

Bir azdan Füzuli haqqında söz demək üçün Nazım Hikməti kürsüyə dəvət edirlər. O, nitqinə belə başlayır:

- Dörd yüz neçə il əvvəl Füzuli bir nadana salam verdi. Amma o nadan rüşvət deyildir deyə, şairin salamını almadı. İndi isə bütün dünya böyük Füzulinin salamına gəlib...

Təsadüfən iki seçkin türk ziyalısının səssiz duelinin şahidi olan Əziz müəllimin dediyinə görə, həmin axşam Agah Sirri Leventə bıçaq vursan, qanı çıxmazdı. Son dərəcə pərt, pəjmürdə idi”.

Tarix
2022.01.16 / 13:54
Müəllif
Kult.az
Şərhlər
Memorial Zefer
Digər xəbərlər

Bəhram tənqiddən sonra videonu sildi - Açıqlama

Müjganın “rəisi” cəmiyyətə nələr edib?

Azərbaycanda ilk: daş buğa fiquru aşkarlandı - Foto

Zaura Şuşada buna görə xəbərdarlıq edildi - Video

ABŞ professoru: İrəvan müsəlman şəhəri idi

75-ci Kann Film Festivalı başladı

Azərbaycan niyə kənarlaşdırıldı? - Avropa YŞ-dən cavab

Bakıda “petuxlar”ın azadlıq aksiyasına sözardı

“Avroviziya” Rusiyada keçiriləcək – Simonyan güldürdü

Bakı muzeylərində bu tədbirlər keçiriləcək

KULT
<>
Xəbər xətti
Axar.az'da reklam Bağla
Reklam
Bize yazin Bağla