Azərbaycan Respublikası Mədəniyyət və Turizm Nazirliyi pedaqoji kadrların işə qəbulu üzrə müsabiqə elan edir.

Axar.az xəbər verir ki, məktəblərdə təhsilin keyfiyyətinin yüksəldilməsi, pedaqoji kadrların işə qəbulu zamanı şəffaflığın təmin edilməsi məqsədilə Azərbaycan Respublikası Mədəniyyət və Turizm Nazirliyi sisteminə daxil olan uşaq musiqi, incəsənət və rəssamlıq məktəblərində, mərkəzlərində vakant yerlərə pedaqoji kadrların işə qəbulu müsabiqə yolu ilə baş tutacaq.

Elektron ərizələrin qəbulu 06 oktyabr 2015-ci il tarixindən 12 oktyabr 2015-ci il saat 17:00-a qədər [email protected] elektron ünvanında aparılacaq. Müsabiqənin ikinci mərhələsinə (müsahibə mərhələsi) 16 oktyabr 2015-ci il tarixindən start veriləcək.