O vaxt nə mən, nə də həyat yoldaşım ayrılmaq istəyirdik. Biz gizlicə evlənmişdik, amma onun ailəsi razı deyildi. Mən teatrda çalışdığım üçün məni istəmirdilər. Təkid edirdilər ki, məndən ayrılsın.

Axar.az xəbər verir ki, bu sözləri xalq artisti Əminə Yusifqızı AzTV-nin efirində yayımlanan "Sevilənlər" verilişində ailə həyatı haqda danışarkən deyib. Aktrisa sənətinə görə ailəsinin dağıldığını bildirib:

"Bir dəfə ailəm dağılmasın deyə, teatrdakı işimdən çıxdım. Evə gəlmişdim, çox narahat idim ki, ay Allah, indi mən nə edəcəyəm, teatrsız necə dözəcəyəm? Həyat yoldaşım mənim bu halımı görüb dedi ki, Əminə, qayıt teatra, sənin yerin oradır. O özü dəstəkləyirdi məni, amma ailəsi imkan vermədi və beləcə ayrıldıq".