Xoşbəxtlik mövzusunda Nazim Hikmətlə həmfikirəm. Bu barədə ən gözəlini elə Nazim Hikmət deyib: "Xoşbəxtlik səhərlər işə sevinclə getmək və eyni qaydada evə qayıtmaqdır".

Bu sözləri mərhum rus aktyoru Yuri Nikulin 1977-ci ildə verdiyi müsahibəsində deyib. O öz həyat fəlsəfəsindən danışarkən bir neçə maraqlı məqama da toxunub.

Axar.az həmin müsahibəni təqdim edir:

- Ən çox nə istəyirsiniz?

- Dürüstlük, mərhəmət.

- Nəyi sevmirsiniz?

- Xırdaçılıq, yalan və alçaqlıq bağışlaya bilməyəcəyim şeylərdir.

- Bağışlaya bilməmək demişkən, hansı hallarda heç bağışlaya bilmirsiniz?

- Bu, hər kəsə bəlli məsələdir. Düşünürəm ki, insan övladı istənilən halda hər şeyi bağışlaya bilər. Mənə gəlincə, bağışlaya bilməyəcəyim yeganə şey - xəyanətdir.

- Sizcə, hansı daha vacibdir - qadın, yoxsa kişi?

- Düşünürəm ki, onların hər ikisi vacibdir. Birinin yoxluğu əskikliyə səbəb olur.

- Sizə görə xoşbəxtlik nədir?

- Xoşbəxtlik mövzusunda Nazim Hikmətlə həmfikirəm. Bu barədə ən gözəlini elə Nazim Hikmət deyib. Xoşbəxtlik səhərlər işə sevinclə getmək və eyni qaydada evə qayıtmaqdır. Düşünürəm ki, bu doğrudan da belədir.

- Son sualım belə olacaq: Siz özünüz xoşbəxt olmağı bacardınızmı?

- Bəli, həm də dəfələrlə. Düşünürəm ki, xoşbəxt olmağı bacarmışam, çünki mən xoşbəxt olmağım üçün heç vaxt böyük şeylər ehtiyac duymamışam.

Xatırladaq ki, Yuri Vladimiroviç Nikulin 21 avqust 1997-ci ildə ürək əməliyyatından sonra 75 yaşında vəfat edib.