Milyarder İlon Maskın övladı Vivian Cenna Uilson (bundan öncə Ksavyer Aleksandr Mask - red.) ABŞ-ı həmişəlik tərk etmək niyyətindədir.

Kult.az xəbər verir ki, bu barədə "Bild" qəzeti yazıb.

O, Yaponiyaya köçmək fikrində olduğunu açıqlayıb. Daha əvvəl cinsini dəyişmiş 20 yaşlı Vivian Tokioda xarici dillər öyrənir. O, fransız, ispan və yapon dillərində sərbəst danışır.

Nəşrin yazdığına görə, bu addım Vivianın bir neçə ildir danışmadığı atası ilə bağlı deyil. Bununla belə, o, Maskı fikirlərinə görə açıq şəkildə dəfələrlə tənqid edib.

Bu yaxınlarda verdiyi müsahibədə o, Maskı "yazıq və böyüməmiş kişi" adlandıraraq, atasını Trampın transgenderlərə qarşı mövqeyini dəstəklədiyinə görə qınayıb.