Mən əynimdə olan paltardan kimdəsə görəndə pis oluram.

Kult.az xəbər verir ki, bu sözləri xalq artisti Faiq Ağayev “Şou məkan” verilişində tez-tez stlini dəyişməsi haqda danışarkən deyib. O, geyim tərzinə çox önəm verdiyini bildirib:

“Mən 2001-ci ildə ilk dəfə tamaşaçı qarşısına belə sarı saçla çıxmışam. Konsertdən sonra da saxlamışam. Çünki xoşuma gəlir. Hələ ki, bezməmişəm. Əynimdə olan paltarı kimdəsə görəndə pis oluram. Ona görə çalışıram, elə bir şey geyinim ki, heç kimdə olmasın. Yaxşı geyim istəyən bəy olsun, xanım olsun, bədəninə görə geyinməlidir, ona görə də, dərziyə getmək lazımdır. Mənim üçün solo konsert təkcə oxumaq deyil. Bu, bir moda dəfiləsidir. Eynilə tədbirlərə gedəndə də elə geyinirəm ki, son trendlərə uyğun olsun. Mənim bədən biçimimə uyğun olsun, yaraşsın. Bu məsələdə vasvasıyam. Olub ki, anam deyib, bu nədi? Geyimləri tək-tək görəndə bəyənməyib. Ancaq sonradan əynimdə tam kostyumu görəndə deyib ki, sənin zövqünə söz ola bilməz”.