Türkiyəli məşhur müğənni Əmrah Ərdoğan Bodrumdakı bütün qonşularının villalarını almaq qərarına gəlib.

Axar.az xəbər verir ki, Türkiyə mətbuatının iddiasına görə, buna səbəb bir neçə gün bundan öncə Ərdoğan ailəsinin qonşuların hücumuna məruz qalmasıdır.

Müğənni 28 villadan ibarət yaşayış məntəqəsinin, öz villası xaric, 26 villasının hamısını sahiblərindən almaq üçün işlər başladıb. Buna görə biznesmen dostundan kömək istəyən müğənninin daşınmaz əmlak üzrə məsləhətçilərinə təlimat verərək, "Xərci nə olursa olsun, satın alın", dediyi öyrənilib.

Xatırladaq ki, bir müddət əvvəl Bodrumda müğənninin qonşuları o evdə olmayanda ailəsinə hücum edib. Müğənninin hücuma məruz qalan həyat yoldaşı və digər ailə üzvləri bıçaq kəsikləri ilə canını qurtara bilib.