Yuxarı

Ən böyük üstünlüyümüz odur ki... – Mir Şahin

Ana səhifə Kult Müsahibə
12 Punto 14 Punto 16 Punto 18 Punto

Azərbaycanda daha öncə də fasiləsiz fəaliyyət göstərən xəbər kanalı var idi. Biz ona görə xəbər kanalına müraciət etdik ki, bəzən yük çox olanda bir nəqliyyat vasitəsi azlıq edir.

Kult.az xəbər veririr ki, bu sözləri Real TV-nin sahibi, tanınmış telejurnalist Mir Şahin kanalın 1 yaşı münasibəti ilə fikirlərini Musavat.com-a açıqlayarkən deyib. O bildirib ki, Azərbaycan cəmiyyətində çoxlu xəbər var idi və biz hesab etdik ki, yeni bir xəbər kanalının olması daha yaxşıdır:

“Bu baxımdan biz belə seçim etdik, ixtisaslaşmış xəbər kanalı yaratdıq. Real TV həm də birbaşa yayım ənənələrini Azərbaycan efirinə qaytardı. Əvvəl də xəbər aparıcılarının birbaşa yayımı, futbol oyunlarından canlı yayım və sair var idi. Ancaq hadisə yerindən birbaşa yayım ənənəsini biz geri qaytardıq. Real TV-nin ən böyük üstünlüyü böyük mənada birbaşa yayımın Azərbaycan efirinə qayıtmasıdır. Tam cəsarətlə deyə bilərəm ki, Real TV-yə qədər heç bir televiziya bu qədər birbaşa yayım etmirdi. Bu eyni zamanda Azərbaycanda söz və mətbuat azadlığının boğulduğunu iddia edən insanlara da cavabdır. Söz azadlığı regionlardan birbaşa hadisə yerindən verilən reportajlarda özünü göstərir. Burada artıq heç nəyi montaj etmirsən”.

Mir Şahin qeyd edib ki, Real TV-nin ikinci ən böyük uğuru Azərbaycanda demək olar ki, bütün yüksək rütbəli məmurların Azərbaycan televiziyasına, informasiya strukturlarına münasibətinin dəyişməsidir:

“Dövlət başçısı Azərbaycan jurnalistikasına etimad göstərdi, müsahibə verdi. Özü də bu fundamental müsahibə idi, hesabat xarakterli müsahibə idi. Bu baxımdan mən Real TV-nin fəaliyyətinə ən yüksək qiymətin elə məhz Prezidentin müsahibəsilə verildiyini düşünürəm”.

Mir Şahin planlaşdırılan yeniliklərlə bağlı da anons verib. Onun sözlərinə görə, Real TV-nin həm xaricdə, həm də ölkəmizdə bölgə müxbirləri fəaliyyət göstərəcək. Bundan başqa, kanalın milli tezlikdə efirə çıxması üçün MTRŞ-dan icazə alınması ilə bağlı da müraciət edilib və müsbət qərarın verilməsi gözlənilir. Qeyd edək ki, hazırda Real TV-yə ixtisaslaşmış xəbər kanalı kimi peyk yayımı üçün müddətsiz lisenziya verib. Kanal həm kabel televiziyalarında, həm də peyklə yayımlanır.

Xatırladaq ki, Real TV 2018-ci il 15 martdan yayımlanır.

Tarix
2019.03.15 / 22:53
Müəllif
Kult.az
Şərhlər
Digər xəbərlər

Paşinyan Stoltenberqlə görüşdü

Bakı-Tiflis əməkdaşlığı yeni sahələri əhatə edəcək

İrəvandan anklavlarla bağlı açıqlama: Sərhəd boyu...

Güneylilər Cenevrədə aksiya keçirdi

Cənubi Qafqazda “bir dövlət” silinə bilər - Tarasov

Qərb İrəvanda buna imkan verməyəcək – Ekspert

Nikol Tavuşda izah etdi: Bakı 4 kəndi istəyir, biz isə...

Stoltenberqin Bakı səfərinə Rusiyadan baxış

Bakı və İrəvan üçün sülh çox vacibdir - Video

Azərbaycan çox əhəmiyyətli ölkədir - Stoltenberq

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla