Məşhur Hollivud ulduzu Conni Depp məhkəmədə keçmiş həyat yoldaşı Ember Herdin üzərində çaldığı qələbəni səs-küylü qeyd etmək qərarına gəlib.

Kult.az xəbər verir ki, bu barədə "Page Six" məlumat yayıb.

Məlumata görə, Deppin təşkil etdiyi qələbə şənliyi Londonun “Laylou” klubunda baş tutub. Məclisdə aktyorun həmkarları və dostları iştirak edib.

“Bu, möhtəşəm şənlik idi və hələ də bitməyib. Conni hələ məhkəməni udduğunu bilmirdi, çoxlu miqdarda pul xərclədi. Şərablar, kokteyllər, bahalı məkan. Aydındır ki, Conni Emberdən xilas olmağı belə qeyd etmək istəyib”, - məlumatda bildirilib.

İddiaya görə, Depp bu qonaqlığa 300 min dollar xərcləyib.