Türkiyənin məşhur müğənnisi Tarkan dünən Ankarada baş verən terror aksiyası ilə bağlı münasibətini bildirib.

Axar.az xəbər verir ki, müğənni 95 nəfərin ölümü ilə nəticələnən terrorla bağlı sosial şəbəkədə hisslərini paylaşıb.

"Böyük üzüntü içindəyəm. Özümə gələ bilmirəm. İçimdəki yanğını söndürə bilmirəm. Ankaradakı terror hadisəsində həlak olanların ailə və yaxınlarına başsağılığı, yaralılara şəfa diləyirəm.

Siyasi partiya liderləri şəxsi maraqlarını kənara qoyub, təcili bir araya gəlməlidirlər. Parça-parça etdikləri, qütbləşdirdikləri gözəl ölkəmizin insanlarına bir olduğumuzu xatırladaraq örnək təşkil etməlidirlər və Türkiyəni bu qaranlıq günlərdən xilas etmək üçün nə lazımdırsa etməlidirlər. Çünki bu gedişlə dayanacaq gücümüz, səbrimiz qalmadı", - Tarkan bildirib.