Forbes jurnalı ölümündən sonra da pul qazandırmağa davam edən məşhurların siyahısını açıqlayıb.

Axar.az xəbər verir ki, dünya şöhrətli müğənni, pop musiqisinin kralı hesab edilən Maykl Cekson bu siyahıda üçüncü dəfə birinci olub.

Müğənni ölümündən sonra ildə 115 milyon dollar qazandırır. 2009-cu ildə 51 yaşında vəfat edən Cekson keçən il də 140 milyon dollarla siyahıda birinci olub.

Rok musiqisinin kralı hesab edilən Elvis Presli isə 55 milyon dollar gəlirlə siyahıda ikinci olub. Siyahıda 1977-ci ildə ürək çatmazlığından həlak olan Elvis Preslidən sonra 40 milyon dollarla amerikalı karikaturaçı Çarlz Şluç və 21 milyon dollar gəlirlə Bob Marli yer alıb.

Siyahının 4-cü yerinə "Forsaj" filmi ilə məşhurlaşan aktyor Pol Uoker sahiblik edir. Aktyor 2013-cü ildə 40 yaşında avtomobil qəzasında həlak olmuşdu.