Əməkdar artist Aybəniz Haşımovanın qızı Aynişan Quliyeva "O səs Türkiyə"də göstərdiyi performansla münsiflər heyətivə tamaşaçıları heyran qoyub.

Axar.az xəbər verir ki, gənc müğənni xalq artisti Polad Bülbüloğlunun repertuarından "Gəl, ey səhər" mahnısını ifa edib.

Münsiflərin dördü də bəyəndiyi üçün ona dönüblər. Sonra müğənni Murad Boz səhnəyə çıxaraq onunla bu mahnını duet şəklində səsləndirib.

A.Quliyeva sonda Muradı seçərək yarışmaya onunla davam etmək hüququ qazanıb.

Qeyd edək ki, musiqi yarışmasının münsif kürsüsündə Əbru Gündeş, Hadisə, M.Boz, Gökhan və Hakan Özoğuz əyləşir.