Gənc müğənni Aytac Vidadiqızı məşhur türk sənətçi Səlami Şahinin repertuarına müraciət edib.

Axar.az xəbər verir ki, müğənni türk həmkarının "Səninlə başım dərddə" adlı mahnısını ifa etmək üçün onunla görüşüb:

"Mahnının icazəsini almaq üçün Səlami Şahinlə görüşdük. Düzü, mahnının haqqını ödəyib almaq üçün onunla görüşmüşdüm. Bilirəm ki, Türkiyədə bu işlər müəllif hüquqları tərəfindən ciddi şəkildə qorunur. Səsimi eşitdikdən sonra mahnını mənə hədiyyə etdi, halallıq da verdi. Üstəlik, mənə yeni bəstə bağışlayacağını da bildirdi. Söhbət zamanı Səlami Şahinə atamın onun repertuarından ifa etdiyi mahnını dinlətdim. Atamı tanıdığını və ifasını çox bəyəndiyini söylədi".

Müğənni gələn il Səlami Şahinlə duet oxuyacağını da bildirib:

"Mahnını hazır etdikdən sonra Səlami Şahinə dinlətdim, ifamdan təsirləndi. Mənə duet oxumağı təklif etdi. O cür sənətkardan bu təklif məni şoka saldı. Sevincimin həddi-hüdudu yox idi. Duetimiz gələn il işıq üzü görməlidir".

Qeyd edək ki, Aytac məşhur müğənni Vidadi Bərdəlinin qızıdır.