Bütün günü Fransada yaşananları düşünmüşəm, olanlar məni həqiqətən də narahat etdi. Bu konsertə çıxmaq mənimçün çox çətin oldu.

Axar.az xəbər verir ki, bu sözləri dünən axşam İsveçin paytaxtı Stokholmda 40 min tamaşaçasının qarşısında konsert verən dünya şöhrətli müğənni Madonna deyib.

Parisdə baş verən terror hadisəsindən sonra güclü təhlükəsizlik tədbirlərinə baxmayaraq konsert salonuna 40 dəqiqə gec gələn müğənni terror qurbanı olan fransızları yad edərək belə çıxış edib:

"Bütün günü Fransada yaşananları düşünmüşəm, olanlar məni həqiqətən də narahat etdi. Bu konsertə çıxmaq mənimçün çox çətin oldu. İnsanlar itirdiklərinə, sevdiklərinə ağlayarkən içimdən bura çıxıb rəqs etmək gəlmir. Bunların istədiyi də budur: bizi susdurmaq. Amma onlara icazə verməyəcəyik. Çünki güc birlikdədir. Bu dünyada pislikdən çox yaxşılığın olduğuna inanıram. Bunu sübut etmək üçün buradayıq. Bu gecə konsertimi ləğv edəcəkdim. Sonra düşündüm ki, niyə onlara mənim qarşımı almalarına icazə verim?! Gəlin azadlığı doya-doya yaşayaq".

Müğənni ölənlərin xatirəsinə "Bir dua kimi" (Like a prayer) mahnısını oxuyub.