Bu dəfə ağır musiqilərdən qaçmağa çalışdıq.

Bu sözləri xalq artisti Fidan Qasımova yeni keçirilən konserti ilə bağlı Axar.az-a danışarkən deyib. Sənətçi növbəti konsertləri də fərqli tərzdə keçirəcəyini bildirib:

"Mənim də, bacımın da bu konserti keçirməkdə əsas məqsədimiz o idi ki, insanların əhvali-ruhiyyəsini daha da yüksəldək. Həmişə bizim konsertlərdə daha ağır mahnılar olurdu, bu dəfə istədik ki, dinləyiciləri çox yormayaq. Konsert daha yüngül və maraqlı olsun.

İlk dəfə idi ki, biz konsertdə yalnız operaya yer vermədik. Bu dəfə xalq və opera mahnılarından ibarət bir sintez etdik, dinləyənlər də çox bəyəndilər. Düşünürük ki, gələcək konsertləri də bu formatda keçirək".

Xatırladaq ki, xalq artistləri Fidan və Xuraman Qasımova bacıları noyabr 21-də Azərbaycan Dövlət Filarmoniyasında konsert proqramı ilə çıxış edib.