Əgər bu vəziyyət davam etsə, sənəti atıb aparıcı olacağam.

Bu sözləri xalq artisti Nisə Qasımova dəfələrlə sənətdən getmək istəməsinin səbəbləri haqda Axar.az-a danışarkən deyib. Sənətçi artıq bəzi şeylərin onun üçün dəyərsizləşdiyini bildirib:

"O vaxtlar səhnədən getməyimin səbəbi var idi. Hazırda hər şey maddiyyatla ölçülür. Məni sıxan bu vəziyyət davam etsə, sənəti atıb aparıcı olacağam. Mən müğənnilik edirəm, ona görə yox ki, oxumaqdan ötrü ürəyim gedir. Uşaq vaxtı oxumaq, səhnə, qastrollar, güllər, sevgi, məhəbbət və s. düşünürdüm. İndi, sadəcə, işimi ləyaqətlə icra etmək istəyirəm. Bəzən tədbirlərə dəvət edirlər, getmirəm. Oxuduğum və tamaşaçıya təhvil verdiyim mahnı mənə kifayət edir".