Bu dəfə atamla birgə çıxış edəcəyik.

Bu sözləri əməkdar artist Fərqanə Qasımova xalq artisti Alim Qasımovla birgə keçirəcəkləri konsert haqda Axar.az-a danışarkən deyib. O, konsertdə başqa sənətçilərin iştirak etməyəcəyini bildirib:

"Bildiyiniz kimi, 9 oktyabrda solo konsertlə çıxış etmişdim. İndi isə tanınmış muğam ifaçısı, xalq artisti Alim Qasımovla birgə çıxış edəcəyik. Konsert dekabrın 23-də Beynəlxalq Muğam Mərkəzində baş tutacaq.

Tədbirdə həmişə olduğu kimi muğamın bir çox janrına müraciət edəcəyik. Səhnədə yalnız ikimiz olacağıq. Başqa sənətkar dəvət etməmişik. Muğam sevən hər kəsi konsertə dəvət edirik".