Bu təklif mənim üçün gözlənilməz oldu.

Bu sözləri müğənni İlkin Əhmədov Nyu Yorkun məşhur VNYR radiosundan təklif alması ilə bağlı Axar.az-a danışarkən deyib. Müğənni bu təklifin onda şok effekti yaratdığını bildirib:

"Bu yaxınlarda dünyaca məşhur "Santa Esmeralda" qrupunun "You are my everything" (Sən mənim hər şeyimsən) mahnısını ifa etmişəm. Bundan sonra həmin ifanı Nyu Yorkun məşhur VNYR radiosunun təsisçisi olan prodüser Danni Korvado təsadüf nəticəsində məni Yutub kanalımda dinləyib. Mənə yazıb ki, icazə versəniz, öz radiomuzda sizin ifanızdakı bu mahnını səsləndirərik. Həmçinin prodüser mənə həmin radioda keçirilən müsabiqədə iştirak etmək üçün dəvət də göndərib. Açığı, bu təklif mənim üçün çox gözlənilməz və xoş oldu".