Bir sıra tanınmış sənət adamları "Günəşli" faciəsi ilə bağlı Azərbaycan xalqına başsağlığı verib.

Axar.az xəbər verir ki, müğənni-bəstəkar Emin Ağalarov, dünya şöhrətli ifaçı Sami Yusuf və əməkdar artist, məşhur şoumen Murad Dadaşov dekabrın 4-də "Günəşli" neft yatağında baş vermiş qəza ilə bağlı öz kədərlərini bölüşüblər:

Emin Ağalarov:

"Xəzər dənizinin Günəşli yatağında baş vermiş yanğında həyatını itirənlərin ailəsinə dərin hüznlə başsağlığı veririk".

Sami Yusuf:

"8 ay əvvəl körpə balaların alovlar içərisində can verməsinə canımız yandı, bu gün isə atasız, əmisiz, qardaşsız qalan onlarla ev üçün canımız yanır. Sizdən uzaqda olan yalnız mənim cismim olacaq. Azərbaycanım. Acınızı dərin hüznlə və can yanğısı ilə paylaşıram. Allah rəhmət eləsin!"

Murad Dadaşov:

"Günəşli neft yatağında baş vermiş dəhşətli faciə ilə əlaqədar MGP (M Qrup Prodakşn) kollektivi həlak olanlara Allahdan rəhmət diləyir. Ailə başçılarını, atalarını, qardaşlarını, övladlarını itirən ailələrə Allah səbir və güc versin. Tanrı yaralanmış həmvətənlərimizdən şəfasını əsirgəməsin. Başın sağ olsun, Azərbaycan!"